يا أبوي

يا أبوي جعل الله من الوقت يحميك

يا تاج راس اللي تناديه يا أبوك

أنا تراني معتلي من معاليك

لا قيل أسمي بك كما قيل مبروك

حتى ولو أني مهب منك وفيك

وديت بأني كنت وياك مشروك

لا غبت عني كل ما حل طاريك

كن الذي ودوك عادوا وجابوك

أنت الذي بالدين دايم مباديك

مجلسك بابه ليس للضيف مصكوك

يالطاهر اللي طيباتٍ مساعيك

لا زدت بالاحسان بالمدح زادوك

أتعبت كل منهو بغى أنه يجاريك

بالطيب كم صاحب غدى كنه مملوك

ربك مع الدنيا ترى ما يخليك

أبوك بريته والعيال بروك

يا جعل كل منهو ابد ما يدانيك

يفنى ليا بالاسم عربان سموك

لك سيرةٍ معها عجز من يماريك

ناديت من بالعز هم دوم نادوك

ابيع أنا كل شي والله واشريك

وأخذ رضاك اليا غضب كل متروك

هذا كلام اللي من الناس يغليك

أكبر عيالٍ كل ما صحت لبوك