سار فكرٍ

يقول العطية كل ما سار فكرٍ سرت

مع الهاجس اللي هو يفرق ليا ضيعت

أنا لي سنينٍ كل ما أظلموا بي نرت

كما شعلةٍ وسط العتم لو صحيح النعت

ابوصيك يا هذا ليا بار بك ثم برت

زمانك ترى كل ما شريته بسعره بعت

ليا جيت خلان الرخى كن معاهم طرت

وإذا جيت صدقان المشاكل بهم وقعت

ولكن إذا حل القسى واستخرت وحرت

تعنز على شرواي خطو ابلجٍ لا رعت

وأنا مجلسي مفتوح لا غبت ولا زرت

على غير علم الطيب ما يوم به سنعت

ورى بابه احمر لون كالدم صبغ الفرت

لدقيت سلفه يطربك كل ما سمعت

هلا مرحبا ياللي علي كل ما انته درت

انا لك أمور صعاب دايم ترى طوعت

خذيت المعرفه من تجارب ولك قد عرت

بعض ما علمته لا تنوع وما نوعت

سوالف مهب تنقال لكن انا لك خرت

جميع القصص لا من تولعت ثم ولعت

كما الجوكر بخبصه بعدها اتيتك كرت

معي كنت بي مبدع وانا معك بك ابدعت

خليفه سمي اللي على شكله انا صرت

تشبعت به فخرٍ على الغير لا جوعت

وانا قلتها مترجلٍ كن ما قد شرت

اتت طايعه للراس لو ما بها قد طعت