يا ولدي

يا ولدي اللي بالشبه دون تشبيه

نسخة أبوك اللي على العود سموه

فيك الشهامة راسمه كل ما فيه

وبك النباهة منظرٍ منه جابوه

عبدالعزيز اللي عسى الرب يحميه

ربعه على طيب المواقيف نادوه

الحر ولد الحر محدٍ يجاريه

بالدين او بالطيب لا من تناخوه

شرواك والله نادراتٍ حراويه

لولاك ما عالي بك الناس دنوه

أبوك ناره ما طفاها للافيه

رباك مثل اللي على الجود ربوه

معاك همي يا احمر العين ساليه

غالي علي بالحيل لا ما تغالوه

البر انا منك ترى دوم راجيه

لبيت شايب قبل انا اخوان لبوه