كالخيال

ابن عطية يقوله بعد ما هو بدى كالخيال

مقال منهو غدى له بعد قوله مرام ودليل

عليه هوجاس بالي عنى ثم أنه جا بالجزال

طرقٍ طرقته ولحنه كأنه ما يجيب الهزيل

زمان فيه الفتن عارمه ولها مجال ومجال

منهو خرج ليس حاله كحال اللي يعود دخيل

يالله ياللي بيدك الفرج وتبدل الحال حال

‏ما اقول انا غير بس حسبي الله ونعم الوكيل

وخلاف ذا يا نديبي بذالمكتوب هاك السؤال

وابغي جوابه يجيني بعد مده بليا بديل

اليا غدى النقص بك حالته بالوقت مثل الكمال

عليك بالعز دامه زمانك به غدى كم ذليل

ترى المراجل لاهلها بقت ما هي لكل الرجال

ليست ببشتٍ لبس كل ما فصله غيره عميل

والحكي لا من كثر عند ربعه به تقل الفعال

منهو رحل ليت غيره بعد ما راح عود نزيل

ما كل منهو كلامه صحيحٍ كل ما شي قال

واللي قصيرٍ يطاول بقصره كل منهو طويل

والعم لا عم أمرٍ يعم لا من خلى منه خال

يا من جرى في طريقٍ غدى به فيه لجله سبيل

من عيني الدمع لا من بهمي فاض به لين سال

والوقت أنا به شهدت العجب والراس دنق لذيل

ولا الغنى من حيى به ترى بالنفس لو قل مال

والقبح بالروح يطغى على كل ما بدى هو جميل

لا عاد ذكرك بطيبه صدع بين العرب طال فال

ما همك اللي بعدها حكى من خلف ظهرك خذيل

تميت قيلٍ بديته وأنا وياه لي زان بال

عودت بعده خفيفٍ كما شيٍ هوى بي ثقيل