ما يشتري ولا يبيع

ابن عطية لا بدع ما يشتري ولا يبيع

من غير سبه بدعته والهاجس اللي هو دعى

يقول رايه ما رجى في يوم نفعة من نفيع

ولا بغى شيٍ ورا ما قال غير أنه سعى

خليفه اللي ينعرف هو بالفطين وبالشجيع

ما يوم قال إلا فعل لا من لعى منهو لعى

فصل الشتا ما هو مثل ما يجلبه فصل الربيع

واللي نعى ليته سكت واللي سكت ليته نعى

ما ينفع الخايف ليا اصبح بطي واصبح سريع

أقدار ربي جاريه سوى رعى أو ما رعى

أنا الوحيد اللي حيى ما له مع الدنيا سميع

غير الولي لا من سهى بالبوح أو أنه وعى

لا خاطري ما ضيقه والكون ما حولي وسيع

يا ليت همي ينجلي ويروح مدري من معا

هذا كلام اللي ترى هو مثل قدره جا رفيع

به قد جمع ما له طرى ثم انه مع قافه شعى