نظمٍ نظيم

ابن عطية لا نوى ينوي على نظمٍ نظيم

ويقول ما يطري على باله بلا مدحٍ وذم

لا جر صوته ما شرح الابيات وافهم يا فهيم

واللي جهل يجهل ولو هو ولد خال وولد عم

الناس قالت لي ترى ما به على الدنيا سليم

مير الليالي زودت كل من شكى همه بهم

يالله ياللي فارجٍ كل ضيق ارحم يا رحيم

وأنك تعين اللي على الدنيا مخاوي كل غم

الفرق واضح والشبه على لئيمٍ أو كريم

مير المواقف ميزت عالم بلا قولتك كم

ترى العظيم الله ولا العظام ما شالت عظيم

ما هو بكامل خلقته لا عادها لحمٍ ودم

مزاجي اللي عكره لا من صفى يبدو حليم

لو هو عليلٍ هاجسي ما ينشده آمر وسم

ولا الوجاهة ما تجي يا كود في رجلٍ حكيم

عاد السفيه اليا سفه مسفوه لا كفٍ وفم

بعض النصايح كنها من غير راسٍ هو عليم

ولا فؤادٍ حسها غير أنها بابشر وتم

يا كم وفيت وبي غدر اللي على طيبي حميم

ذقت الجحود وبالدهر أشوف كل ما لن ولم

لكن مثلي هو غدى كالسيف لا منه ثليم

والطيب به منهو سمع غير الذي للفوح شم

ذا قيل منهو له طرى كنه لحاله به كليم

واللي وحى بعده بلس بالعلم في غيبه ونم