سواها مقال

بن عطية قالها يوم سواها مقال

من هجوسٍ كنها جن غنت في خلا

وابتداها وانتهاها بعد جا له مجال

لو مزاجه عكره حينها بعده سلا

قيل كنه معه خفه على بيوتٍ ثقال

منه همي ينجلي كل ما هو له جلا

الله أكبر يا زمانٍ رحل دون ارتحال

كنه إلا رخص حالٍ بعدها هو غلا

لو قصر به من تقاصر تطاول ثم طال

من علا به لا تدنى دنى به لا علا

ويش رجلٍ كل ما عد من ضمن الرجال

كنه أسمه هو يداوي حدٍ جا له بلا

دون سلطة لا تسلط على غيره بمال

عاد لكن لا هلا به ولا له مسهلا

لغز حله طاح به كل منهو جا وشال

لا كتب في لوح يمسح وحبره ما طلا

مثلي اللي طاب ما بين عمٍ له وخال

كل ما ينسى رجع بعدها لا من تلا

الحديد اللي لداوود لان بلا صقال

مثل دارٍ من سكنها بقى دون الولا

هذي الدنيا واهلها تراهم للزوال

كل مالح طعم عود بعد ما هو حلا

سلم من له هو يقاتل سلم دون القتال

كالذي يفضى بعد لا سكب به ما ملا

ذا كلام اللي بالأقوال وكد بالفعال

كالنخل لا من تراصف جذوعه في فلا