بعد ما هو شعر

قال الصبي الوايلي قيلٍ بعد ما هو شعر

من هاجسٍ لو حاوره ما حار به لا حيره

قافٍ تغنى به وهو نقاه دام أنه وعر

ما سار به لو سوره منهو معه من سيره

الذيب ما همه ترى لا من عوى نبح الجعر

والخير في منهو بقى لا من بقى ما خيره

جمرٍ حماره بالدجى كالدم لا منه سعر

والشهب لا منها هوت شرار لا من طيره

ادفى على ضوه وانا بردان كني في ذعر

واللي ثبت له ثابتٍ ما غيره من غيره

لي صاحبٍ هو وافيٍ والغدر دايم له قعر

من شاوره ما شر أبد في شور شره شيره

تمرٍ نثر وأنا أحسبه تحت المطايا هو بعر

والنخل ظله كأنما طوله بقصره ذيره

هذا كلامي وانتهى كنه بعنقي هو صعر

والحتف يلقاه الفتى لا من مصيره صيره