الكاهن أو الساحر

أنا كني معي هاجس كما الكاهن أو الساحر

وله جني وهو مسلم ولكن عاوده كفره

براسٍ لا طرى طاري تقل منحور من ناحر

وجسمه هو تحت قبره وتم فوقه على قفره

على موجه تقل كني بقارب كان هو باحر

وصل شاطي على سيفه لقى كتابٍ معه شفره

ورى كوخٍ بلا سقفٍ وقاعه لا شحب صاحر

صريرٍ هز جدرانه وبه بابٍ مثل حفره

وفزاعة لها بسمه رعت من حولها جاحر

وسط حوشه على كرسي وجنبه مايدة سفره

عدوي يوم صاحبته وهو عونٍ وبي داحر

يصد عني وأنا مقبل ويجذبني بعد نفره