وما فيها

يقولها لك بن عطية وما فيها

غير الذي به هاجسي جا وسواها

واعيني اللي مورقتها طواريها

والليل كنه هو عناها وعناها

أنا الذي دنياه كثرت بلاويها

لا من شقى منها ترى كنه شقاها

والناس شحت بالفضائل مواريها

ايلين جادت بالرذائل مزاياها

لا شك زانت لا بدت شان تاليها

واللي معاها جامعٍ بعد خلاها

من كان عاليها ترى صار دانيها

ثم راح منهو كل ما رادها جاها

كم قوم فيها هي تنكر لأهاليها

برداءها هي كنما تحتوي داها

دنياٍ بها ولد الردي دوم ساليها

والقرم نجله كنه الا تقاساها

والدار منهو سادها عاش يحميها

بالعدل لا منه بحكمٍ تولاها

والظلم هادمها إذا كان بانيها

منه تسيس كل برجٍ تعلاها

مثايلٍ بالوزن أنا جيت أغنيها

يوم أن لي قد جاز بالكيف معناها

بديتها وأنا بعد كنت نهايها

قوافيٍ قفت بحرفٍ تقفاها